Nënshkruhet memorandumi, mbi 1 milion euro do të kushtojë ndërtimi i QKMF-së në Shtime

16:29 | 15 Mars 2023
K.B

Ministri i Shëndetësisë, Arben Vitia dhe kryetari i Komunës së Shtimes, Qemajl Aliu nënshkruan të mërkurën memorandumin e bashkëpunimit për ndërtimin e objektit të Qendrës Kryesore të Mjekësisë Familjare.

Vlera e këtij projekti është 1 milion e 250 mijë euro dhe do të financohet nga Ministria e Shëndetësisë, ka bërë të ditur ky dikaster.

“Ky projekt është në përputhje me politikat e Ministrisë së Shëndetësisë për zhvillimin dhe përmirësimin e infrastrukturës se infrastrukturës së kujdesit shëndetësor”, thuhet në komunikatën për media, shkruan arbresh.info

Përmes këtij investimi sipas MSH-së, do të arrihet përmirësimi i cilësisë në shërbimet shëndetësore, përmirësimi i kushteve për personelin shëndetësor si dhe rritja e performancës së shërbimeve në Kujdesin Parësor Shëndetësor.

Afati i realizimit të projektit sipas këtij Memorandumi është paraparë të arrihet deri në vitin 2025.

Shpërndaje në rrjete sociale

Lajmet më të lexuara

Të ngjashme

Foto lajm